એલોપેથી અને ડોક્ટરો પર વિવાદિત નિવેદન આપીને યોગગુરુ બાબા રામદેવ ખરાબ રીતે ફસાઈ ગયા છે. તેમની મુશ્કેલીઓ હવે વધી રહી છે. ઇન્ડિયન મેડિકલ એસોસિએશન (IMA) ઉત્તરાખંડએ બાબા રામદેવને 1000 કરોડ રૂપિયાની માનહાનિ નોટિસ મોકલી છે. નોટિસમાં આગામી 15 દિવસમાં બાબા રામદેવ પાસે તેમના નિવેદનનું ખંડન કરતો વીડિયો અને લેખિત માફી માગવા જણાવાયું છે.
નોટિસમાં કહેવામાં આવ્યું છે કે જો બાબા રામદેવ 15 દિવસની અંદર ખંડન વીડિયો અને લેખિતમાં માફી નહીં માગે તો તેમની પાસેથી 1000 કરોડ રૂપિયાની માગણી કરશે. આ ઉપરાંત બાબા રામદેવ પાસે 72 કલાકની અંદર કોરોનિલ કીટની ભ્રામક જાહેરાત દરેક સ્થળેથી હટાવવા માટે કહેવાયું છે. જ્યાં એ દાવો કરવામાં આવ્યો છે કે કોરોનિલ કોવિડ વેક્સીન પછી થતા સાઈડ ઈફેક્ટ પર પ્રભાવી છે.
IMA Uttarakhand sends a defamation notice of Rs 1000 cr to Yog Guru Ramdev. The notice states that if he doesn’t post a video countering the statements given by him and tender a written apology within the next 15 days, then a sum of Rs 1000 crores will be demanded from him. pic.twitter.com/c7RlLInXi3
— ANI (@ANI) May 26, 2021
બાબા રામદેવે આપ્યું હતું વિવાદિત નિવેદન
જણાવી દઈએ કે થોડા સમય અગાઉ એલોપેથી દવાને લઈને તેમણે વિવાદિત નિવેદન આપ્યું હતું. આ વિવાદ વધવાથી અને કેન્દ્રીય મંત્રી ડૉ. હર્ષવર્ધનની સખત નારાજગી બાદ બાબા રામદેવે પોતાનું નિવેદન પરત લીધું હતું.
બાબા રામદેવે IMAને પૂછ્યા 25 સવાલ
યોગગુરુ રામદેવ દ્વારા એલોપેથી વાળું નિવેદન પરત લીધા પછી ફરી એકવાર મોર્ડન સાયન્સ પર સવાલ ઉભા કરવામાં આવ્યા છે. બાબા રામદેવે હવે ઇન્ડિયન મેડિકલ એસોસિએશન (IMA) અને ફાર્મા કંપનીઓને ખુલીની પત્ર લખી 25 સવાલ પૂછ્યા છે. બાબા રામદેવ દ્વારા પૂછવામાં આવેલો 25મો સવાલ ખૂબ કટાક્ષ ભર્યો છે. બાબા રામદેવે પૂછ્યું છે કે જો એલોપેથી સર્વશક્તિમાન અને સર્વગુણ સંપન્ન છે તો પછી એલોપેથીના ડોક્ટરણો બિમાર ન થવા જોઈએ.
मैं इंडियन मेडिकल एसोसिएशन व फार्मा कंपनियों से विनम्रता के साथ सीधे 25 सवाल पूछता हूँ- pic.twitter.com/ATVKlDc9tl
— स्वामी रामदेव (@yogrishiramdev) May 24, 2021